 |
| الخال زازا مع ابن اخته جوهر في "وادي الذئاب" |
ــ النجدااااه....جوهرييييييي
ــ حاضر خااااال
ـ ولك الله يلعنكم ليش صوتوا على هذا هذا كليشنار
بوغلو؟ـ
ــ لا خالي اسمو كليشدار أوغلو
ــ كليشبار ولا كاليشدار مو مهم ليش صوتوا عليه؟
ــ لا خالي صوتنا على الخال أردوغان
ـ اهااااه...ولك الله يرضى عن كل ابن اخت ما بيخرج عن
طوعي
**** **** ****
بعد أسبوعين
ــ النجدااااه.....جاوهااااار ولك وينكم؟
ــ حاضر خال نحنا هون
ــ ااااا...سمعت بيحكوا في التلفزيون عن هذا فيهان رآه
الخارجية
ــ كلامك صح خالي الخال أردوغان حط فيدان بالخارجية
ــ معناتو علمدار ايلو ايد في الشغلة....إن شاء الله هدا
غيدان يحبنا مو؟
ــ جوهر: خالي شغل الدولة ما بفهم فيه كثير بش بيحبونا
أو يكرهونا مو مبين معي
ــ الخال زازا: عم تحكي مظبوط...بس لازم نعرف تحت اي
شمسية راح ندخل علبال متوضح الصورة كلياتها
ــ نجدت: خالي انا لأول مرة ما بحس بحالي جوعان
ــ الخال زازا: بركاتك يا رب يا كبير
ولك شو صاير معك ابن اختي...لتكون بتحب ها اليومين زي
خالك جوهر؟ ايه....غيرو؟
ــ جوهر: سمعت خالي انو جماعة كليشدار عميجمعوا الكل
ــ الخال زازا: ولك شو إلنا نحنا علاقة بالكل؟
ــ نجدت: هيك حكوا خالي واحنا كمان استدعونا
ــ الخال زازا : ولك ما بشتريهنم بشلن في يوم
الغلا...ولك راحت عليهم
ــ جوهر: خالي عبد هذا شو اسمو زلمة ميماتي اتصل
ـ الخال زازا: ايه وشو بدو منك؟
ــ جوهر: قال مراد بدو شوفك بكرا قال ضروري
ــالخال زازا: ولك انت احمق ليش ساكت وما خبرتني؟
ــ جوهر: خالي، هلا شفت الرسالة علموبايل
ــ الخال زازا: أصحابنا
صاروا يحوا معنا بالشيفرة، منيح، معناتو إلنا مكان ووظيفة في الترتيب لجديد، حضروا حالكن لنروح..يا كبيير
****
**** ****
اتصال من ميماتي
ــ زازا: رد ابني رد ...ليش خجلان؟
ــ جوهر: خالي هذا مراد عميتصل فيك مو قدر
ــ زازا: هات ابني هات لشوف
ــ زازا: الووووه علمدار زي العادة ما فيني ما أسألك:
انت بتحبني؟
مراد: ايه زازا، بحبك وانت على راسي من فوق
زازا: لك الله يحيي كل شي بيحبني...جايك جايك بعد شوي
مراد: لا تتأخر زازا، ذو الفقار آغا وعبد الحي وعمران
وميماتي ناطرينك
ــ زازا: خير اللهم اجعله خير
مراد: زازا....لا تتأخر تعالى وتعرف
زازا: يا كبييييير
على الطريق في السيارة
ــ جوهر: خالي يمكن بدون يعينوك وزير
زازا: وزير شو...وشو هو الوزير؟
ـ وزير في الحكومة خالي ....وزير مالية مثلا خالي بتلبق
لك مو؟
ــ زازا: اه يعني بكون مسؤول عن كل مصاري البلد صح؟
ــ نجدت: اي خالي هيك بالضبط...مافي احلى من هيك
ــ زازا: ولم انت مجنون مين ساعتها يدير بالو على مصاري
انا؟
ــ جوهر: مو هيك قصدي خال، وزير مالية معناتو فلوس
الدولة تصير كلياتها فلوسك
ــ زازا: قولتك.....شغلة منيحة مو؟
ــ نجدت: منيحة كثير خالي وهيك نرتاح من شغلات التهريب
ــ زازا: ولك أنا لو بطلت شغل تهريب وحركة ببرد وبخاف
امرض بدي ضل شغال على طول
ــ جوهر: انت تصير وزير مالية وعيني انا وكيل وزارة
التهريب ونجدت وكيل وزارة الشوارع وهيك تنحل المشكلة
ــ زازا: والله جوهر انت مو قليل....مخك صاير هاليومين
يشتغل غير شكل، شو صاير معك؟
ــ خالي، مو بعيد بعد أردوغان تصير انت الرئيس
ــ زازا: لا يا، هيك مرة وحدة؟ لا لا تخينة
ــ نجدت: عاش الرئيس شرف زازا أوغلو
ــ جوهر: والله خالي اسمك بيلبق عالرئاسة