أحمد فؤاد نجم: طول ما العمار مسكون بالغلبانين ياما
 |
| أحمد فؤاد نجم |
| يا سادة يا كرام |
| صلوا على خير الأنام |
| الحلم في العلم |
| بكره اللي جاي |
| أخضر |
| والشعر في الحلم |
| فارس بيتمخطر |
| راكب حصان السبق |
| شاهر |
| حسام قاطع |
| رايح يجيب النبأ |
| زي النهار |
| ساطع |
| ويطلع الفجر |
| فوق السحاب لاغبر |
| يا سامع الشعر |
| فكر |
| تشوف أكتر |
| وحدوه |
| حكايتنا |
| كانت من قديم القدم |
| ولسه كاينه |
| وياما لسه تكون |
| طول ما العمار مسكون |
| بالغفلانين ياما |
| طول ما الغضب مكنون |
| جوه الصدور |
| ياما |
| طول ما القليل حاكمين |
| والمحكومين ياما |
| طول ما احنا متخانقين |
| والشمتانين .. ياما |
| طول مااحنا نبقي كده |
| والظلم |
| فوق كل دا |
| ممكن تعود الحكاية |
| من أول المشوار |
| وتلف بينا الرحايا |
| دوار |
| ما بعده دوار |
| ويخش ديب الصبايا |
| في عباية السمسار |
| ياكل فراخنا العتاقي |
| ويدبح |
| اللي صغار |
| الحلم |
| يتأخر |
| والشعر |
| يتبخر |
| ويغرق الشمس |
| بحر الضباب الاصفر |
| يا صاحب العقل |
| فكر |
| تشوف أكتر |
| وحدووووه |
